Кулун тутар 28 күнүгэр эбиэттэн киэһэ 16.00 чаастан Национальнай бибилэтиэкэ Историческай саалатыгар Таатта улууһун Дьохсоҕонуттан төрүттээх Акулина Михайловна Егасова-Дьохсоҕон Кыыһа остуоруйаларын уонна олоҥхотун «Якутские сказки, олонхо» диэн кинигэтин биһирэмэ буолар. Бу кинигэ уратыта — брайль тиһигинэн — ол эбэтэр туочукалаах-рельефтээх шрифт көмөтүнэн оҥоһуллан таҕыста. Онон хараҕа суох, мөлтөхтүк көрөр дьон олоҥхону ааҕар кыахтаннылар.