Быйыл Олоҥхо ыһыаҕар устуоруйаҕа киирэр тэрээһин буолан ааста: ЮНЕСКО өйүүр «Аан дойду омуктарын эпостара» бырайыагы билиһиннэрэр түһүлгэ түстэннэ. Манна түүр төрүттээх бырааттыы омуктарбыт эпостарын толорор, чинчийэр дьон Арассыыйа Алтай, Башкортостан, Тыва, Хакасия, Саха Сирэ курдук национальнай эрэгийиэннэриттэн, ону сэргэ Казахстан, Кыргызстан өрөспүүбүлүкэлэриттэн ыҥырыллан кэлэн кытыннылар. Ыалдьыттарбыт Кэбээйигэ кэлиэх иннинэ Дьокуускай куорат Сайсары кытылыгар тутулла турар […]
Олоҥхо ыһыахтарын тэрийии биир улахан ситиһиитэ – дьон-сэргэ төрүт таҥаһын араастаан сиэдэрэйдээн тиктэн кэтэр буолбута. Кэбээйи ыһыаҕар да бары сахалыы, сорохтор хотугулуу таҥна сылдьалларын көрүөххэ олус кэрэ этэ. Кинилэри видеоҕа уһулан, ролик оҥорбуппутун сэҥээрэ көрүҥ. Баҕар, бэйэҕитин булан көрүөххүт, баҕар, билэр дьоҥҥут көстөн ааһыахтара (экран алларатыгар баар квадрат бэлиэни баттаан улаатыннараарыҥ). Биитэр Вконтакте бу сигэнэн […]
Олоҥхону толорооччулары наҕараадалааһыны быйыл видеоҕа толору устан уонна таҥан таһаарабыт: анал ааттартан саҕалаан – кылаан чыпчаалларга тиийэ. Тоҕо? Бастатан туран, Олоҥхо ыһыаҕын сүрүн дьоруойдарын дьон сирэй көрөн билиэхтээх. Иккиһинэн, СМИ үксүн кыайыылаахтар эрэ тустарынан сырдатар. Дьиҥэр, үрдэллэргэ, анал ааттарга, тус бириэмийэлэргэ тиксибиттэр элбэхтэр буоллаҕа. Олору эмиэ билиһиннэрээри. Үсүһүнэн, дьокутааттар, тэрилтэлэр, биирдиилээн дьон бириис бөҕөтүн туруораллар […]