Давыдов Илларион Михайлович-Дарыбыан

Илларион Михайлович Давыдов Таатта кэнники сүһүөх олоҥхоһуттарыттан бастыҥнара, чулуулара буоларын кэрэһэлиир түгэни М.Г.Соров-II ахтан аһарар: “1945 сыллаахха оройуоҥҥа Кыайыы ыһыаҕар нэһилиэктэртэн түөрт чулуу олоҥхоһуту — И.М. Давыдовы, Д.Т. Эльберяковы, Ст.Е. Андросовы уонна И.Е. Огочуяровы ыҥыртаан, куонкурус тэрийэн, сынньалаҥ пааркатыгар олоҥхолоппуттара. Олоҥхо ортолуу баран эрдэҕинэ, Дарыбыан олоҥхото, үчүгэй мончуук көтөрү тардан ыларын курдук истээччилэри адьас бэйэтигэр тардан ылбыта. Олоҥхону быһаарар жюри Дарыбыаҥҥа биир тыла суох 500 солк. харчынан маҥнайгы бирииһи… туттарбыта” (Соров, 1970).