Күнү көрсүү уонна ыһыах алгыһын сиэрин-туомун туһунан

Хаҥалас култуураҕа уонна духуобунай сайдыыга салалтата (начаалынньык Фекла Романовна Варламова) саха дьонугар барыбытыгар да олус наадалаах, дириҥ суолталаах уонна ыйынньык курдук туһалаах анимационнай роликтары оҥорбуттар — күнү көрсүү уонна ыһыах алгыһын сиэрин-туомун туһунан.

Бырайыак ааптара — Уйгулаана Соломонова, тиэкиһи Фекла Варламова бэйэтэ ааҕар, оттон оҥоһуу өй көмөтүнэн ойуулугу Александр Ярков таҥан таһаарбыт.

Санатан эттэххэ, Хаҥалас улууһун Эркээни ыһыаҕа оруобуна күн саамай уһаабыт, Айыылар сиргэ муҥутаан чугаабыт кэмнэригэр — бэс ыйын 21 күнүгэр — «Орто Дойду» этнокомплекс сиригэр буолар. Бырагырааматын сигэтэ бу https://vk.com/wall-57802477_693381?t2fs=d56fd3e8bfba254d1a_2