Олоҥхо-испэктээккэ хас күн ахсын сарсыардаттан бэлэмнэллэр
Арассыыйа норуоттарын сомоҕолоһуутун, Саха сиригэр Култуура сылларынан, итиэннэ Дьокуускайдааҕы Саха гимназията 25 сыллаах үбүлүөйүнэн Өрөспүүбүлүкэ күнүгэр III «б» кылаас оҕолоро «Хотой куттаах, Луо тыыннаах, Орто дойду олоҕун көмүскүүр аналлаах Мэндэ Бухатыыр» олоҥхону Саха тыйаатырыгар сүрэхтиэхтэрэ.
Саҥа олоҥхо-эспэктээк туһунан Саха гимназиятын дириэктэрэ Валентина Софронееваны кытары кэпсэтэ сылдьыбыппар:
—Биһиэхэ үс сылтан бэттэх урукку төрөппүппүт Муксунова Дария Михайловна оҕолору фольклорга дьарыктыыр буолбута. Алын сүһүөх кылаас оҕолорун барыларын хабан туран үлэтин саҕалаабыта. Биһиги олоҥхобутун, тойукпутун, хомуспутун, чабырҕахпытын илдьэ сылдьабыт дии санаабыппыт баара, дьэ, дьиҥнээхтик үлэ саҕаламмыта. Оҕолор сарсыарда аҕыс чаастан дьарыктанан, ырыа-тойук бөҕө буолар. Киһи эрэ астына истэр. Дария Михайловна бэйэтэ анал бырагыраамалаах. Ол курдук, билиҥҥи сорох оҕолор сахалыы дорҕооннору үчүгэйдик саҥарбаттар. Онон, бу хайысханан күүскэ үлэлээн, оҕолор ыраастык сахалыы саҥарар буоллулар. Ону төрөппүттэр да бэлиэтииллэр, махтаналлар. Кини олоҥхоҕо бэлэмнээбит оҕолоро араас күрэхтэргэ ситиһиилээхтик кытталлар.
Анивера Акимова.
Муус устар 27 күнүгэр 3б кылаас оҕолоро «Хотой куттаах, Луо тыыннаах, Орто дойду олоҕун көмүскүүр аналлаах Мэндэ Бухатыыр» олоҥхону туруоран эрэллэр, — диэн кэпсээтэ.
Олоҥхо ааптара суруйааччы Евдокия Семеновна Иринцеева-Огдо. Олоҥхону туруорда: А.Д. Макарова аатынан култуура уонна ускуустуба уһуйааччыта М.Г. Боппоенова уонна театральнай салаа устудьуоннара. Уус-уран салайааччы, фольклор уһуйааччыта — Д.М. Муксунова, кылаас салайааччыта — Л.Г. Дедюкина.
