Олоҥхонон оҥоһуктардаах сэлэлии хаамыы

Бэс ыйын 1 күнүгэр, Оҕо көмүскэлин күнүн көрсө, «Ньургун Боотур» стадиоҥҥа олоҥхо уобарастарын арыйар, кэпсиир оҥоһуктардаах оҕолорго сэлэлии хаамыы тэрилиннэ.

Ф.Охлопков аатынан сынньалаҥ пааркатыгар «Сардаҥалаах татыйыктар» өрөспүүбүлүкэтээҕи талааннары көрүү күрэһэр оҕо аймах ырыата — тойуга дьиэрэйдэ, үҥкүү үксээтэ, хомус хоҥкунас тыаһа дьырылаата, чобугурас чабырҕах чобугураата, омуннаах олоҥхо олохтонно. Маны таһынан кустук сэттэ өҥүнэн ойуулуур — дьүһүннүүр уруһуй түһүлгэтин, уран, имигэс илиинэн оҥоһуллубут оҥоһук хонуутун күөн күрэһэ төрүттэннэ. Быйыл күрэскэ Тааттаттан, Чурапчыттан, Томпоттон, Мэҥэ — Хаҥаластан барыта 368 оскуола, уһуйаан саастаах оҕолор кыттыыны ыллылар. Оҕо бырааһынньыга олус сэргэхтик тэрилиннэ.

@taattagazeta