Олоҥхону, саахыматы өрө тутан

Чурапчы улууһун Хатылы орто оскуолатын 8-с кылааһын бүтэрбит Кристина Максимова «Сардаӈалаах татыйыктарга» Михаил Белых олоӈхотуттан быһа тардан,толордо.

Кристинаны маӈнайгы кылаастан олоӈхоҕо Анастасия Федотовна Захарова уһуйар. Эдэр олоӈхоһут Үөһээ Бүлүүгэ, Аммаҕа, Нерюнгригэ ыытыллыбыт өрөспүүбүлүкэтээҕи Олоӈхо ыһыахтарыгар кыттан, Нерюнгригэ «Кылаан кыайыылаах» аатын сүкпүт. Итиэннэ сыл аайы «Олоӈхо дойдутун оҕотобун диэн түһүлгэҕэ кыттар кыыс быйыл бастаабыт.

Маны тэӈэ Кристина саахыматынан үлүһүйэн оонньуур. Быйыл Ил Дархан Кубогар кыттан, үһүс миэстэни ылбыт. Олонхону толорооччу уонна саахыматчыт кыыс Тааттаттан тардыылааҕын туһунаӈ киэн тутта кэпсиир. Ийэтинэн Даниловтар киэӈ аймах сыдьаана Кристина олоӈхотун, саахыматын өрүү өрө тута сылдьар санаалаах.

@taattagazeta