“Олоҥхоһут” моноопера Дягилев бэстибээлигэр көстүөҕэ

Бэс ыйын 17 күнүгэр Никифор Яковлев “Олоҥхоһут” диэн сахалыы тыллаах монооператын Дягилев бэстибээлигэр билиһиннэрэллэр.

Моноопера сүрүн тутула Олоҥхо дьоруойдуу эпоһынан тыыннаныаҕа, буоларын курдук, кэпсээччи олоҥхоһут көрөөччүлэр харахтарыгар уон араас уобараска кубулуйан көстүөҕэ. Режиссер Александр Шумилин саҥардыллыбыт хартыынаҕа илиинэн систиэмэ проекциятын туһанара күүтүллэр. Туруоруу сүрүн оҥкулугар космогония итиэннэ Олоҥхо бэйэтин философията улахан оруолу ылыаҕа. Манан сиэттэрэн, туруорааччылар хас биирдии киһиэхэ дойду сырдык тыына, кэрэ эйгэтэ итиэннэ урусхалланыы эйгэтэ баалларын туһунан толору арыйарга, итэҕэтэн көрдөрөргө дьулуһуохтара.

Испэктээк сүрүн уобараһынан Үрүҥ Күн буолуоҕа. Бу күн көрөөччүлэр уонна толорооччулар Үрүҥ күн тула түмсүөхтэрэ: илиинэн проекция олохпут дьиҥнээх тутулун итэҕэтиилээхтик көрдөрүө.

Манна композиторынан биһиги уолбут Никифор Яковлев, дирижерунан Андрей Серов, режиссер-концептмейкерынан Саша Шумилин, либретто Дарина Чиркова, медиарежиссерунан Настя Королева, продюсерынан Дарья Луценко кыттыыны ылыахтара.

Толорооччуларынан: солист Сергей Малинин, перфомерынан Анна Сыроватская, саҥа муусука устуудьуйатыттан флейта, бас-флейта, флейта-пикколо Мария Корякина, кларнет Игнат Красиков, виолончель Дарья Луценко, охсооччуларынан Аскар Михайлов, Александр Выборнов буолуохтара. Администраторынан Евгения Изотова үлэлиэҕэ.

Испэктээк “Пермнээҕи тыйаатыр” уонна Дегилев бэстибээлин көмөтүнэн тэрилиннэ. Барыта холбоон 1 чаас устата барыаҕа.

Сэмэн ЖЕНДРИНСКЭЙ