Олоҥхо ыһыаҕа: бастыҥ толорооччулары наҕараадалааһын
Олоҥхону толорооччулары наҕараадалааһыны быйыл видеоҕа толору устан уонна таҥан таһаарабыт: анал ааттартан саҕалаан – кылаан чыпчаалларга тиийэ. Тоҕо?
Бастатан туран, Олоҥхо ыһыаҕын сүрүн дьоруойдарын дьон сирэй көрөн билиэхтээх.
Иккиһинэн, СМИ үксүн кыайыылаахтар эрэ тустарынан сырдатар. Дьиҥэр, үрдэллэргэ, анал ааттарга, тус бириэмийэлэргэ тиксибиттэр элбэхтэр буоллаҕа. Олору эмиэ билиһиннэрээри.
Үсүһүнэн, дьокутааттар, тэрилтэлэр, биирдиилээн дьон бириис бөҕөтүн туруораллар уонна туттараллар, ону киэҥ эйгэ билиэн баҕарабыт.
Төрдүһүнэн, тэрийээччилэр да, дьүүллүүр сүбэ да, спонсордар да, салалта да бэрт үчүгэй этиилэри, эҕэрдэлэри, сыанабыллары, бэлиэтээһиннэри туһаайан этэллэрин бар дьоҥҥо иһитиннэрээри.
Бэсиһинэн, бу номнуо устуоруйа – XXI үйэ бастыҥ олоҥхоһуттарын архыыпка хаалларан үйэтитэбит.
Онон сэҥээрэ көрүҥ, көрдөрүҥ, ол туһуттан бу сигэни тарҕатыҥ.