Аймахтарбыт алтаайдар кэлэллэр

Эрэгийиэннэр икки ардыларынааҕы «Большие гастроли» бырайыак чэрчитинэн Дьокуускайга аймахтарбыт алтаайдар «Маадай Кара» эпостарынан испэктээк көрдөрө кэлэллэр.

Бу испэктээги саха режиссера Андрей Борисов туруорбута. Билэрбит курдук, кини быйыл үбүлүөйдээх 75 cааһа.

эмиэ биһиги олоҥхобут курдук ЮНЕСКО киһи аймах чулуу айымньытынан билиммит

Дьэ, онон ахсынньы 3 күнүгэр киэһэ 18.00 чааска Алтаай Өрөспүүбүлүкэтин П. В. Кучияк аатынан Национальнай драматическай тыйаатырын кытта алтыһыаххыт. «Маадай Хараны» аатырбыт кайчилара (олонхоһуттара) А. Калкин айбыт.

Манна даҕатан эттэххэ, «Маадай Кара» эпос биһиги олоҥхобут иннинэ 2003 cыллаахха ЮНЕСКО киһи аймах тылынан уонна духуобунай нэһилиэстибэтин шедеврин испииһэгэр киллэриллибит.
Алтаайдар бэйэлэрин боотурдарын сирдээҕи ытык аналын хайдах курдук киэн тутта туойалларын, ол ону төрөөбүт тылларынан төһөлөөх ураннык тиэрдэллэрин сэҥээрэ көрөргө ыҥырабыт.

Режиссер – Андрей БОРИСОВ

Буолар сирэ: П. А. Ойуунускай аатынан Саха академическай тыйаатыра.

Билиэттэр онлайн https://quicktickets.ru/yakutsk-teatr-olonho/s174 сайтка уонна Саха тыйаатырын кассатыгар атыыланаллар.

Пушкинскай карта үлэлиир.

Ыйыталаһар нүөмэргит: 34-03-19