Олоҥхону истэ үөрэнэбит

Оҕо төрөөбүт тылынан ааҕарын көҕүлүүр «Төрөөбүт тыл биһигэ» киин оҕоҕо олоҥхону тиэрдэр сыалтан Олоҥхо киинин «Мааны ыалдьыт» бырайыагынан бииргэ үлэлэһэр. Сүрүн сыалбыт оҕо төрөөбүт тылын уус -уран айымньы муҥутуур чыпчаалын — олоҥхону — истэ, тылын баайын иҥэринэ үөрэнэригэр туһуланар.

«Мааны ыалдьыппыт» Хатылы нэһилиэгин В.С. Соловьев -Болот Боотур аатынан орто оскуола 9 кылааһын үөрэнээччитэ Кристина Максимова ийэтинээн Лидия Павловналыын ыалдьыттаатылар.

Кристина олоҥхоҕо уһуйаан сааһыттан уһуйуллан, улуус, республика таһымнаах фольклорнай бэстибээллэр кыайыылаахтара, 2025 сыллаахха Нерюнгрига ыытыллыбыт Олоҥхо ыһыаҕын Кылаан Кыайыылааҕа. Кини уһуйааччыта Анастасия Федотовна Захарова.

Олоҥхону иһитиннэрии И.М. Павлов уонна С. А. Новгородов ааттарынан орто оскуолалар 3, 4, 8 кылаас үөрэнээччилэригэр тэрилиннэ. Кристина биир дойдулааҕа, Хатылы нэһилиэгиттэн төрүттээх Михаил Иннокентьевич Белых «Ала Хотоҕой» олоҥхотуттан быһа тардыыны иһитиннэрдэ.

Чурапчы улууһун Оҕо библиотекатын сонуннара Детская библиотека