«Ньургун Боотур» олоҥхо-опера дойду бастыҥ испэктээктэрин испииһэгэр киирдэ

«Золотой фонд театральных постановок России» куонкуруска кыттарга бастыҥ испэктээктэри талыы бастакы түһүмэҕэ түмүктэннэ.

Барыта 300 испэктээги сүүмэрдээтилэр, олор ортолоругар Д.К. Сивцев-Суорун Омоллоон аатынан Опера уонна балет судаарыстыбаннай тыйаатырын «Ньургун Боотур» олоҥхо-операта. Режиссер — Андрей Борисов. Бу туһунан тыйаатыр пресс-сулууспата иһитиннэрэр. Дойду тыйаатырдарын диэйэтэллэрин сойууһун эрэгийиэннээҕи салааларыттан талыллыбыт хамыыһыйа чилиэннэрэ бары испэктээктэри болҕомтолоохтук көрдүлэр. 400-тэн тахса тыйаатыр куонкуруска тыһыынчанан сайаапка түһэрбиттэр. Сойуус 300 испэктээк испииһэгин таһаарда, мантан дьүүллүүр сүбэ эспиэрдэрэ  «Золотой фонд театральных постановок России» пуондатыгар киллэрэргэ 100 кыайыылааҕы талыаҕа.

Санатан эттэххэ, Арассыыйа ыйаатырдарын диэйэтэллэрин сойууһа 2026 сылга тэриллибитэ 150 сылыгар «Золотой фонд театральных постановок России» пуонданы тэрийэр. Куонкуруска дойду бары эрэгийиэннэриттэн тыйаатыр кэлэктииптэрэ араас жанрдарга кытыннылар. Бырайыак усулуобуйатынан, испэктээк үгэс буолбут духуобунай сыаннастарын арыйыахтаах уонна Бүтүн Арассыыйатааҕы култуура кодун тэрийиэхтээх.

«Саха сирэ» хаһыат сонунуттан.