«ӨБҮГЭ БЫСТЫБАТ СИТИМЭ» фольклор өрөспүүбүлүкэтээҕи XV бэстибээлэ
Күнэ-дьыла: 2025 с. олунньу 24-26 күннэрэ
Ыытыллар сирэ: Өксөкүлээх Өлөксөй аатынан Норуоттар доҕордоһууларын дьиэтэ, көстүүнэй саалата.
Бэстибээли тэрийээччилэр: СӨ култуураҕа уонна духуобунай сайдыыга министиэристибэтэ, СӨ АТ «Олоҥхо Тыйаатыра» научнай-методическай уонна тас сибээскэ үлэҕэ Олоҥхо Киинэ, Өксөкүлээх Өлөксөй аатынан Норуоттар доҕордоһууларын дьиэтэ, “Олоҥхо Ассоциацията» уопсастыбаннай тэрилтэ.
Сыала-соруга:
-норуот ырыата, тойук, чабырҕах, хомус үгэс быһыытынан толоруллар эйгэтин кэҥэтии;
-оҕо чөмчүүк сааһыттан норуот ырыатын, тойугу, чабырҕаҕы, хомуһу сэҥээрэрин, толорорго холонуутун ситиһии;
-фольклору сөргүтүүгэ үлэлэһэр дьону түмүү, саха төрүт култууратын тарҕатыы, толорооччулары өйөөһүн;
-чабырҕах, норуот ырыата, тойук, хомус салгыы сайдар суолун тобулуу;
-бэйэлэрэ айар чабырҕахсыттары, тойуксуттары өйөөһүн;
-саҥа ааттары арыйыы.
Сыаналааһын ирдэбиллэрэ:
-толорооччу үгэһи тутуһуута уонна тута хоһуйар дьоҕура;
-тылын-өһүн баайа, кылыһаҕа, куолаһын кэрэтэ, чөллөркөйө, уһун тыына;
-хомусчут толорор таһыма, сыыйа тардыыта, эгэлгэтэ;
-чабырҕаҕы үөрэ-дьүөрэ түһэрэр тэтимэ, тылын-өһүн хомоҕойо;
-айымньы ис хоһоонун арыйыыта, истээччигэ тиэрдиитэ.
Тэрээһин ирдэбиллэрэ:
•Сайаапкаҕа толорооччу толору аата, төрөөбүт сыла, хантан сылдьара, үлэлиир,үөрэнэр сирэ, ханнык көрүҥү толороро ыйыллар. Сайаапка Олоҥхо Киинин элект. почтатыгар ыытыллар: centr-olonkho@mail.ru
•Бэстибээлгэ чабырҕаҕы, норуот ырыатын, тойугу толорор уонна хомуска оонньууроҕолор, улахан дьон биирдиилээн уонна бөлөҕүнэн кытталлар.
•Толоруу сахалыы инструменнарынан, фонограмманан доҕуһуолланара көҥүллэнэр.
•Кыттааччы сааһынан хааччахтаммат.
•Кыттыы бэрээдэгэ: 24.02 – детсад; 25.02 — оскуола; 26.02 – улахан дьон.
•Кыттыы иһин взнос миэстэтигэр төлөнөр: хас биирдии көрүҥҥэ улахан дьон — 500солк., оҕолор — 300 солк. Бөлөҕүнэн толорууга – биирдии кыттааччыттан – 300 солк.
•Кыайыылаахтарга Анал аат иҥэриллэр, өйдөбүнньүк бэлэх туттарыллар.
Билсэр аадырыскыт: e-mail: centr-olonkho@mail.ru тел.: 8914-2-701-436, 8984-117- 45-28, 8914-288-00-35.
Тэрийэр бөлөх