Саҥа стадион олоҥхо дьоруойун аатын сүгэр

Таатта улууһун Ытык Күөл сэлиэнньэтигэр «Дьулуруйар Ньургун Боотур» диэн саҥа стадион баар буолла.

Хаартыска: Андрей Сорокин/ЯСИА

Стадион Манчаары оонньууларынан тутулунна. Ил Дархан Айсен Николаев: «Мин бүтэһик сылларга Ытык Күөл тупсубутуттан үөрэбин. Урут манна паарка эрэ баар этэ. Оттон билигин кэрэ стадион, ону таһынан өрөспүүбүлүкэҕэ саамай бөдөҥ успуорт дыбарыаһа баар буоллулар», — диэтэ.

Стадион саха олоҥхотун бухатыырын аатын сүгэрэ оруннаах. Чахчыта да, Ньургун Боотур билиҥҥинэн уһулуччу спортсмен буоллаҕа дии: күүстээх, быһый, сымса.

Бу персонаж Тааттаҕа айыллыбыта. Дьүлэй баайа Көстөкүүн Ороһуон олоҥхолообутун суруйааччы Былатыан Ойуунускай, отут суол олоҥхоттон таҥан, олоҥхо канона буолар «Дьулуруйар Ньургун Боотур» олоҥхону айбыта — ЮНЕСКО олоҥхону киһи аймах чулуу айымньытынан билинэригэр төһүү буолбута.