Ил Дархан бирииһигэр олоҥхону үгэс быhыытынан толоруу күөн күрэһигэр кыттыҥ
Саха Өрөспүүбүлүкэтин Ил Дарханын бирииһигэр олоҥхону үгэс быhыытынан толорууга өрөспүүбүлүкэтээҕи I күөн күрэс ыытыллар.
2026 сылга CӨ Ил Дархана 870-РГ №-дээx “Олоҥхо Yhүc Уон сылын биллэрии туhунан» дьаhалыгар олоҕуран, билиҥҥи кэм ааттаах-суоллаах олоҥхоhуттарын 3 түhүмэхтээх түhүлгэлэрэ тэриллэр.
Тэрээhини өйүүллэр:
- CӨ Бырабыыталыстыбата;
- CӨ “Олоҥхо Ассоциацията” уопсастыбаннай тэрилтэ;
- CӨ Олоҥхо тыйаатырын иhинэн научнай-методическай уонна тас сибээскэ үлэҕэ Олоҥхо киинэ;
- СӨ Норуот айымньытын дьиэтэ;
- Дьокуускай куорат “Норуот айымньытын уокуруктааҕы киинэ” МБТ;
Сыала-соруга:
- Олоҥхону үгэс быhыытынан толорууну үксэтии, тэнитии;
- Билиҥҥи кэм ааттаах-суоллаах олоҥхоhуттарын түhүлгэлэрин тэрийии;
- Ааттаах-суоллаах олоҥхоhуттар толорууларын үйэтитии.
Өрөспүүбүлүкэтээҕи I күөн күрэс 3 түhүмэҕинэн ыытыллар:
- Бастакы түһүмэх анал балаhыанньанан “Уруйдан, улуу Олоҥхобут!” күөн күрэс чэрчитинэн тэриллэр, толоруу бириэмэтэ 1 чаас, чулуулар иккис түhүмэххэ киирэллэр;
- Иккис түһүмэх бу сыл ыам ыйыгар ыытыллар. Олоҥхону 4 чаас устата толорор олоҥхоhуттар кытталлар;
- Үһүс түһүмэх сэтинньи ыйга тэриллэр. Олоҥхону 8 чаас толорор олоҥхоhуттар кытталлар.
Дьүүллүүр сүбэ быhаарыытынан, үhүc түhүмэх кэнниттэн бүтэhиктээх түмүк таhаарыллар. Кыайыылаахтарга наҕараадалары туттарыы сиэрэ-туома сэтинньи 25 күнүгэр – Олоҥхо күнүгэр — ыытыллар.
I миэстэни ылбыт толорооччуга — , II миэстэҕэ — 200 000 солк., III миэстэҕэ — 100 000 солк. харчынан бириис туттарыллар.
Күөн күрэс I түһүмэҕин балаhыанньата
“Уруйдан, улуу Олоҥхобут!” күөн күрэс чэрчитинэн ыытыы балаhыанньата:
Ыытыллар күнэ-дьыла: 2026 сыл мyyc устар 8-10 күннэрэ.
Ыытыллар бириэмэтэ: 10:00 чаастан.
Ыытыллар сирэ: Дьокуускай куорат, «Арчы Дьиэтэ» айылгы киинэ, Чернышевскай аат. уул., 24.
I түһүмэх тэрийээччилэрэ:
- Дьокуускай куорат «Норуот айымньытын уокуруктааҕы киинэ” МБТ;
- Дьокуускай куорат «Арчы Дьиэтэ» айылгы киинэ;
- CӨ “Олоҥхо ассоциацията” уопсастыбаннай тэрилтэ;
Күөн күрэс I түһүмэҕин ирдэбиллэрэ:
- Oлoҥхоһуттap күөн күрэскэ анал ыҥырыынан кыттыыны ылаллар;
- Олоҥхону толоруу бириэмэтэ 1 чаас;
- Толорооччу толорор олоҥхото түhүмэх аайы тус-туhунан (хатыламмат);
- Кыттыы туhунан сайаапка кулун тутар ый 30 күнүгэр диэри хомуллар: archy_jietе@mail.ru.
- Кыттааччыттан паспорт куоппуйата ирдэнэр.
- Кыттыы иhин төлөбүр 1000 солк.
- Кыттааччы каталокка киллэрэргэ үчүгэй хаачыстыбалаах мэтириэт (портретнай) хаартыскатын, олоҕун биографиятын кылгастык, ситиhиилэрин, толорор олоҥхолорун сайаапканы кытта холбуу тутан, кулун тутар ый 30 күнүгэр диэри ыытара булгуччулаах.
Сыаналааһын сүрүн ирдэбиллэрэ:
- Олоҥхону толоруу үгэhин тутуhуу;
- Олоҥхоhут олоҥхону толору толоруута;
- Түөлбэ олоҥхотун уратыта;
- Толорооччу тылын-өhүн баайа, тэтимэ, олоҥхо тутулун, оҥкулун тутуhуута;
- Олоҥхо ырыатын-тойугун арааhын толоруу, куолаhын кэрэтэ;
- Олоҥхо ис хоhоонун дьоҥҥо-сэргэҕэ тиэрдии, истээччи болҕомтотун тардыы.
Түмүгү таһаарыы: дьүүллүүр сүбэ быhаарыытынан иккис түhүмэххэ кыттар олоҥхоhуттар талыллаллар. Xac биирдии кыттааччыга ИЛ ДАРХАН бирииhигэр өрөспүүбүлүкэтээҕи I күөн күрэс кыттыылааҕын тyohy cypyгa, анал бэлиэтэ, кыттааччылар тустарынан каталог туттарыллар.
Күөн күрэс тутула:
Mуус устар 8 күнэ
09: 30 — мустуу, бэлиэтэнии.
10: 00 — күөн күрэс үөрүүлээх аһыллыыта, алгыс сиэрэ-туома.
10: 30 — олоҥхону толорууну истии.
13: 00-13:30 — тохтобул, эбиэт.
13: 30 – олоҥхону салгыы истии.
Mуус устар 9 күнэ
10: 00 – олоҥхо күөн күрэhин салгыы истии;
13: 00-13:30 — тохтобул, эбиэт.
13: 30 – олоҥхону салгыы истии.
Муус устар 10 күнэ
10: 00 — олоҥхо күөн күрэhин салгыы истии;
13: 00 -13:30 — тохтобул, эбиэт.
13: 30 – олоҥхону салгыы истии.
18: 00 – күөн күрэс түмүгүн таhаарыы.
Киирбит видео-матырыйаал Арчы дьиэтин пуондатыгар хаалap, көрдөрөр-иhитинэрэр ханааллaрга тapҕaнap.
| 1 | Кыттааччы аата, аҕатын аата, араспаанньата толору суруллар (биирдиилээн кыттыыга) | |
| 2 | Төрөөбүт күнэ, сыла | |
| 3 | Ханна үлэлиирэ (биитэр үөрэнэрэ) | |
| 5 | Салайааччы (-лар) ААА (толору cypyллap) | |
| 6 | Толорор олоҥхотун аата, ааптара | |
| 9 | Хантан сылдьара, улуус, нэhилиэк, бөhүөлэк ааттара толору ыйыллаллар | |
| 10 | Төлөпүөн нүөмэрэ | |
| Сайаапканы күөн күрэс кыттааччылара 89627379618 (Петр Петрович Кычкин) эбэтэр электроннай почтаҕа archy_jiete@mail.ru ыытаҕыт. | ||