Туһалаах икки күн

Быйыл Кэбээйи улууһугар ыытыллыахтаах Олоҥхо ыһыаҕын чэрчитинэн Кэбээйи нэһилиэгэр кулун тутар 10-12 күннэригэр «Кэбээйигэ Олоҥхо ыһыаҕа: үгэс утума, Эбэ тыына, айар-тутар эйгэ» диэн научнай- методическай кэмпириэнсийэ буолан ааста.

Икки күн иһигэр фольклорга сыһыаннаах араас маастар-кылаастар, санаа атастаһыыта, атыы-тутуу ыытылынна. Ыраахтан-чугастан ыалдьыттар кэлэннэр, бэйэлэрин сатабылларын көрдөрдүлэр. Николай Гаврилович Золотарев-Николай Якутскай сиэнэ Ольга Леонидовна Золотарева-Ураанай худуоһунньук, алтанынан оҥоһукка маастар, ураты талааннаах киһи эбит.

Кини маастар-кылааһыгар уопсайа 35 киһи сырытта. Эр дьон кытта.

Ольга Леонидовна-Ураанай сатабыллаах уус: туттара-хаптара сымсата, кэпсиирэ истиҥэ.

Биһиги суһуох киистэтин, харысхал оҥостоммут ,Ольга Леонидовнаҕа махталбыт муҥура суох.

Суруйдулар: Кэбээйи орто оскуолатын эбии үөрэхтээһинин педагогтара М.А. Никитина, В.А. Терехова.