Сунтаар тоҕус оһуордаах түһүлгэҕэ ыҥырар

 Муус устар 8-9 күннэригэр Сунтаар бөһүөлэгэр тойуксут, оһуокайдьыт, олоҥхоһут, үҥкүүһүт, РСФСР уонна Саха АССР  култууратын үтүөлээх үлэһитэ, ССРС суруйааччыларын сойууһун чилиэнэ Сергей Афанасьевич Зверев-Кыыл Уолун талааныгар сүгүрүйэн, “Тоҕус оһуордаах түһүлгэ” диэн өрөспүүбүлүкэтээҕи күрэс тэриллэр.

         Күөн күрэс аата да этэринии, 9 хайысханан куонкурус ыытыллар: тойук,  олоҥхону толоруу, оһуокай, норуот ырыата, уус-уран ааҕыы, төрүт дорҕоон, национальнай үҥкүү, эр киһи кура уонна саха быһаҕа.

         Күрэх бириистэрин уопсай пуондата 1 000 000 солкуобай. Муҥутуур кыайыылаах 300 000 солкуобайы уу харчынан ылыаҕа.

Сайаапкалары suncult1980@mail.ru аадырыска ыытаҕыт, билсэр төлөпүөҥҥүт нүөмэрэ 89141153503.

Кыттыҥ, саха култууратын сайыннарыыга уонна тарҕатыыга бэйэҕит кылааккытын киллэрсиҥ, талааҥҥытын бар дьоҥҥо көрдөрүҥ, бэртээхэй бирииһи ыларга дьулуһуҥ!