Таатталар «Дьулуруйар Ньургун боотур» олоҥхону толороллор

Улуу убайбыт, саха сэбиэскэй литературатын төрүттээччи, бөдөҥ политическай деятель, автономнай өрөспүүбүлүкэни олохтооччу, учуонай, суруйааччы Платон Алексеевич Ойуунускай төрөөбүтэ 130 сылын, итиэннэ Өрөспүүбүлүкэ күнүн көрсө, Таатта улууһугар «Дьулуруйар Ньургун Боотур» олоҥхону нэһилиэктэринэн толордулар.

Үс нэһилиэк олоҥхоһуттарын иһиттилэр:

Тааттыныскай нэһилиэк олоҥхоһуттарын бөлөҕө (сал. М.В. Тарабукина)

Алдан нэһилиэгин олоҥхоһуттарын бөлөҕө (сал. А.Н. Багардынов)

Уолба нэһилиэгин олоҥхоһуттарын бөлөҕө (сал. А.П. Боппосова)

Дьүүллүүр сүбэҕэ үлэлээтилэр: Изабелла Александровна Сивцева — бэрэссэдээтэл, Олоҥхо ассоциациятын Тааттатааҕы салаатын салайааччыта, Людмила Константиновна Цой — олоҥхону толорооччу, СӨ култууратын туйгуна, СӨ уонна Таатта улууһун «Норуот уус-уран айымньытыгар кылаатын иһин» бэлиэлэр хаһаайката, Розалия Петровна Докторова — олоҥхону толорооччу, Мэҥэ Хаҥаласка Ноорой аатыгар ыытыллыбыт олоҥхо күрэҕин кыайыылааҕа, Раиса Сменовна Маркова — олоҥхону толорооччу, «Дьахтар олоҥхото» өрөспүүбүлүкэтээҕи күрэх кыайыылааҕа, Ийэ олоҥхоһут Көһүҥэ Бүөтүр аатынан стипендиатка.

Тааттатааҕы норуот айымньытын пресс-киинэ.