Олоҥхоҕо олоҕуран…

С.А. Зверев-Кыыл Уолун аатынан Үҥкүү национальнай тыйаатыра олоҥхо сюжетынан туруоруллубут “Ситим” диэн испэктээк аан дойдутааҕы премьератыгар ыҥырар.  

Бу испэктээккэ көстөр сири бары тута билиэххит – Өлүөнэ туруук таас хайалара. Олоҥхо дьоруойдара онно айылҕалыын алтыһан, кыыл-сүөл тэҥэ, айылҕа сокуонунан олороллоро ойууланыаҕа: кими эрэ таптаан эккирэтиэхтэрэ, кими эрэ самнараары кыргыһыахтара…

Ол эрээри бу былыргы айымньы аныгылыы хамсаныылара олоҥхо билигин да биһиги күннээҕи олохпутугар баарын санатыахтара, кырдьыбат аналын сэһэргиэхтэрэ.

Уратыта диэн, бу испэктээги соҕурууттан анаан кэлэн туруордулар. Ол курдук, балетмейстер – “Золотой софит” бириэмийэ лауреата Олег Марков (Санкт-Петербург), либретто ааптара – балетовед, кириитик, “PRO танец” сурунаал кылаабынай эрэдээктэрэ Вероника Кулагина (Санкт-Петербург) композитор – Ян Круль (Иркутскай), сценография уонна көстүүм худуоһунньуга – Екатерина Шапошникова, научнай консультант – Ангелина Лукина.

Испэктээк  бэс ыйын 6 күнүгэр Суорун Омоллоон аатынан Опера уонна балет тыйаатырыгар буолар.

Билиэт Өксөкүлээх Өлөксөй аатынан Норуоттар доҕордоһууларын дьиэтин кассатыгар атыыланар. Сыаната –100 солкуобай.

Билсэр нүөмэргит 32-79-20.