Биэс көрүҥҥэ күрэхтэһэн

Таатта улууһун быйылгы оройуоннааҕы ыһыаҕа П.А. Ойуунускай төрөөбүтэ 130 сылыгар ананна. Онон “Үс саха олоҥхото-тойуга сайыннын!” диэн аһаҕас фольклорнай фестиваль-көрүү нэһилиэктэр икки ардыларыгар ыытылынна.

Бөлөхтөр фольклор 5 көрүҥэр күрэхтэстилэр: түөлбэ олоҥхотун куолаан толоруу, норуот ырыата, чабырҕах, хомуска сыыйа тардыы, таатталардыы оһуохай.
Тэрийээччилэр – “Таатта улууүа” МТ, улуустааҕы норуот айымньытын дьиэтэ – хас көрүҥ ахсын кыайбыкка 10.000 солк. анаатылар. Оттон 5 көрүҥ түмүгүнэн кылаан чыпчаалга – 50 тыһыынча солк.
Күрэхтэһии түмүгэр Чөркөөхтөн “Көһөҥө-ситим” фольклорнай бөлөх кыайда. Кинилэр Ойуунускай “Дьулуруйар Ньургун Боотур” олоҥхотуттан быһа тардан толордулар.