«Түһүлгэ түһүмэхтэрэ» олоҥхону куолаан толорууга бастаата

Бэс ыйын 18 күнүгэр Мэҥэ Хаҥалас улууһугар улуу олоҥхоһут Тоҥ Суорун 155, суруйааччы Иван Арбита 110, Амынньыкы Уус 110, Табаҕа нэһилиэгэ тэриллибитэ 255 сылларыгар аналлаах 11-с Олоҥхо ыһыаҕа ыытылынна.

Онно Таатта улууһун Алдан нэһилиэгиттэн «Түһүлгэ түһүмэхтэрэ» фольклорнай бөлөх (сал. А. Багардынов) кытынна уонна олоҥхону куолаан толорууга бастакы үрдэли ылары ситистэ.

Биирдиилээн толорууга ситиһиилэрбит:

Олоҥхону биирдиилээн толорууга уонна чабырҕахха — Александр Багардынов анал аат.

Норуот ырыатыгар — Федот Лукин бастакы үрдэл.

Норуот ырыатыгар — Христина Лукина анал аат.

Тойукка — Мая Максимова иккис үрдэл.

Оһуохайы таһаарыыга — В. Постников анал аат.

Массыынанан хааччыйбыт аҕа баһылыкпытыгар Егор Николаевич Постниковка, сымнаҕас сыыдам айаннаах суоппарбытыгар Софрон Алексеевичка махтал улахана буоллун!

Дойдубут ырыата-тойуга өссө ыраах дьиэрэйдин!

«Кытыл» норуот айымньытын дьиэтэ

Уус Таатта