«Олоҥхо дойдута» быыстапка

Үс Хатыҥ ыһыаҕын кэмигэр СӨ Национальнай художественнай түмэлэ «Олоҥхо дойдута» диэн быыстапканы Сайылык түһүлгэтигэр туруорда.

Манна А.Н. Осипов, М.М. Лукина, М.Г. Старостин, А.В. Чикачев, А.П. Мунхалов, А.Е. Евстафьев, Т.Е. Шапошникова олоҥхону кытта ситимнээх хартыыналарын көрдөрдүлэр. Олоҥхоҕо саха норуота сир-дойду айыллыытын, омук кутун-сүрүн, киһи сирдээҕи аналын, кэм-кэрдии суолтатын, үс дойду туһунан, о.д.а. бөлүһүөктүү толкуйдарын, религиознай, мифологическай көрүүлэрин сэһэргиир. Ону худуоһунньуктарбыт холустаҕа хоһуйбутара – эмиэ биир дириҥ өйдөбүл, ураты көстүү.