Айыы санаа айана саҕаланна….

Олоҥхо ыһыаҕар 80-тан тахса култуурунай тэрээһин, 15 спортивнай күрэхтэһии, 20 куонкурус ыытыллара былааннанар.

Тэрээһиннэр бүгүҥҥүттэн, бэс ыйын 29 күнүттэн, саҕаланан бараллар. Бастакы күннэргэ кинигэлэри сүрэхтээһин уонна сэминээрдэр. Оттон ыһыах үөрүүлээх аһыллыыта  от ыйын 1 күнүгэр сарсыарда 11.00 чаастан “Көмүс күрүө” комплекска буолар. Өймөкөөн фольклорун Дугуйа Бөҕөтө — театрализованнай дьүһүйүү сүрүн дьоруойа.

Ыһыах аһыллыан иннинээҕи күн, бэс ыйын 30 түүнүгэр, күнү көрсүү уонна өймөкөөннөрдүү арчыланыыны  Семен Сивцев икки алгысчыты кытта оҥоруохтара.

Манна даҕатан эттэххэ, ыһыах аһыллыытын уонна сабыллыытын туруорууларыгар тыйаатыр артыыстарын кытта  улуус нэһилиэктэрин олохтоохторо тэҥҥэ кытталлар.

Хаартыска — Интэриниэт ситимиттэн