Кээчик оччугуйуттан олоҥхолуур

Бу көрөр видеоҕа кырачаан Кээчик наһаа бэркэ туттан-хаптан олоҥхолуурун Сиэйэ Уола сэргээн истэ олорор.

Сэттэ саастаах Кээчик Катя Никонова диэн. Оччугуйуттан сахалыы олоҥхолоон, дьон сэҥээриитин ылар.  Кини «Олоҥхо дойдутун оҕото»  өрөспүүбүлүкэтээҕи күрэххэ «Боччум кэпсээнньит» анал ааты ылбыта. Кээчиги уһуйаантан саҕалаан, билигин оскуолаҕа дьарыктыы сылдьаллар. Ол эрээри сүрүн учуутала кини тапталлаах эбээтэ буолар.

Төрүт тылбыт, үгэспит тарҕанан иһэрин туһугар оҕолорбутун бу курдук сахалыы иитиэҕиҥ, тойукка. Олоҥхоҕо, фольклорбут бары жанрдарыгар, үгэспитигэр, сиэргэ-туомҥа уһуйуоххайыҥ.