Дьыссаат үлэһиттэрэ олоҥхону толорууга күрэхтэстилэр

Таатта улууһугар кулун тутар 2 күнэ Олоҥхо күнүнэн биллэриллибитэ. Быйыл дойдуга Педагог уонна настаабынньык сыла буолан, Олоҥхо күнүгэр улуус дьыссааттарын уһуйааччылара түмсэн, олоҕун тухары оҕону иитиигэ үлэлээбит баспытаатал, сэбиэдиссэй, этнопедагог, ырыаһыт, тойуксут, чабырҕахсыт, хомусчут, олоҥхону толорооччу, оһуохайдьыт, алгысчыт Любовь Дмитриевна Габышева сырдык кэриэһигэр олоҥхону толорууга күрэхтэстилэр.

Бу күөн күрэһи Л.Д. Габышева уһун кэм салайбыт Уус Тааттатааҕы “Хатыҥчаан” уонна “Харыйачаан” оҕо саадтара, “Арылы Кустук” үөрэхтээһин уопсастыбаннай ситимэ, Алдан нэһилиэгин “Кытыл” уонна улуустааҕы норуот айымньытын дьиэтэ, Таатта улууһун үөрэҕириитин салаата кыттыһан тэрийдилэр.

Кыттааччылары Таатта улууһун баһылыга Михаил Соров, Алллан нэһилиэгин баһылыга Егор Постников, “Сулусчаан” оҕо саадын сэбиэдиссэйэ  Елена Алексеева, Любовь Дмитриевна кыра кыыһа Арина Егорова эҕэрдэлээтилэр, ахтан-санаан аастылар.

Дьүүллүүр сүбэҕэ Таатта улууһун Тыараһатааҕы “Кылыһах” фольклорнай норуодунай бөлөх салайааччыта Марина Говорова, Ф.С. Аргунов аатынан Тааттатааҕы оҕо ускуустубатын оскуолатын фольклорга преподавателэ Римма Федорова, Любовь Дмитриевна Габышева улахан кыыһа Уйгулаана Габышева үлэлээтилэр, сыаналаатылар.

Түмүккэ I үрдэл – Таатта улууһун Ытык Күөл “Чуораанчык” оҕо саадын кэлэктиибэ (сал. А.В. Аржакова) П.Е. Решетников-Көһөҥө Бүөтүр “Айыы Дьураҕастай”  олоҥхотун толорон,  20.000 солк. харчынан уонна “Көмүлүөк” иһитинэн наҕараадаланна.

Айыы Дьураҕастай бухатыыры чаҕылхайдык толоруу иһин  Михаил Михаилович Павловка  анал бириис –  2000 солк.

II  үрдэл – “Сулусчаан” оҕо саада (Ытык Күөл). Реас Кулаковскай  “Орто дойду олохтооҕо Ордьоот оҕонньор” олоҥхотунан.  Салайааччы –  П.Н. Петрова. Бириис — 15.000 солк. уонна пылесос.

III  үрдэл – Таатта улууһун Уус Таатта “Харыйачаан” оҕо саада. Д.К.Сивцев-Суорун Омоллоон “Ньургун Боотур” олоҥхотуттан быһа тардыы. Салайааччы –  М.К. Максимова. Бириис – 10.000 солк. уонна оҕолорго сахалыы остуол оонньуулара.

I үктэл – Таатта улууһун Тыараһа оскуолатын иһинэн “Сардаана” оҕо саада. Олохтоох ааптар Сэмэтэй “Оҕо Ньургун бухатыыр” олоҥхото. Салайааччы – Г.С. Огонерова Г.С. Бириис –  6000  солк.  уонна 5000 солк. сэртипикээт.

 “Олоҥхону бастыҥ толорооччу” –  Дмитрий Григорьевич Неустроев. Бириис – 5000 солк. уонна паарынан үрэр өтүүк.

Олоҥхону үлэһиттэр  уонна оҕолор норуот ырыатын толорууларын кэтэхтэн көрүү түмүгүнэн:

Кылаан кыайыылаах – Хатастааҕы “Кэрэчээнэ” дьыссаат. П.П. Ядрихинскай-Бэдьээлэ “Дьырыбына Дьырылыатта Кыыс бухатыыр” олоҥхотуттан. Бириис – 10.000 солк.

I үрдэл –  Мэҥэ Хаҥалас улууһун Төхтүрдээҕи “Мичил” оҕону сайыннарар киин.  Н.Л. Игнатьев-Билгэ “Кэхтэри билбэтэх Уолан Эрилик” олоҥхотуттан.  Салайааччы – А.Н. Верховцева.

 
Олоҥхону дьыссаат үлэһиттэрин толорууларын кэтэхтэн көрүү түмүктэрэ:

Кылаан кыайыылаах – Таатта улууһун Ытык Күөллээҕи “Күн Туллуктара” оҕо саада. П.П. Ядрихинскай-Бэдьээлэ “Дьырыбына Дьырылыатта Кыыс бухатыыр” олоҥхотуттан, салайааччы –А.В.  Шестаков.

I үрдэл – Таатта улууһун Игидэй орто оскуолатын иһинэн “Теремок”  оҕо саада.  П.Е.Решетников –Көһөҥө Бүөтүр “Күөнэ көҕөччөр аттаах Күн Күндүлү бухатыыр” олоҥхото, салайааччы – С.А. Иванова.

II үрдэл – Томпо улууһун Кэскилиттэн “Кэскилчээнэ” оҕо саада, “Ньургун Боотур” олоҥхоттон, Салайааччы – Н.Х. Мярина.

Уһуйаан иитиллээччилэрэ бөлөҕүнэн норуот ырыатын толорууларын күрэҕин кэтэхтэн көрүү түмүктэрэ:

• Кылаан кыайыылаах  – Үөһээ Бүлүү,  “Теремок” оҕону сайыннарар киин.

• I үрдэл – Мэҥэ Хаҥалас улууһун  Павловскай бөһүөлэгин  “Мичээр” оҕону сайыннарар киин  “Тииҥчээн” бөлөҕө, салайааччы Романова Л.П.

• II үрдэл – Сунтаар улууһун  “Чебурашка” оҕону сайыннарар киин  “Кэскил” бөлөҕө, салайааччы Иванова З.М.

• III үрдэл – Дьокуускай куорат “Золотинка” оҕо саадын “Сулусчаан” улахан бөлөҕө, салайааччылар  Сысолятина В.И., Данилова М.Р.

• I үктэл –Хатастааҕы  “Кэрэчээнэ” дьыссаат, салайааччы Ксенофонтова Г.К., Старкова В.Н.

• II үктэл –  Мэҥэ Хаҥалас улууһун  Павловскай “Мичээр” оҕону сайыннарар киин  “Тииҥчээн” бөлөҕө (уолаттар), салайааччы Шарина В.Н., Романова Л.П.

• III үктэл – Сунтаар улууһун “Чебурашка” оҕону сайыннарар киин  “Күнчээн” бөлөҕө, салайааччы Иванова З.М.

Тэрээһиҥҥэ барыта  230 киһи кыттыыны ылла, ол иһигэр Томпоттон, Тааттаттан, Мэҥэ Хаҥаластан, Хатастан, Дьокуускайтан, Үөһээ Бүлүүттэн, Сунтаартан – 170 кыттааччы!