Олоҥхоһуттар түһүлгэлэрэ түстэниэ

Олоҥхону үгэс быһыытынан биирдиилээн уонна куолаан толорууга өрөспүүбүлүкэтээҕи IX аһаҕас бэстибээл кулун тутар 30 күнүгэр Дьокуускай куорат «Арчы дьиэтэ» култуура духуобунай
киинигэр ыытыллар.

Тэрийээччилэр:

• Дьокуускай к. “Уокуруктааҕы норуот айымньытын киинэ” МБТ;
• Дьокуускай куораттааҕы «Арчы Дьиэтэ» култуура духуобунай киинэ.
  Тэрээһини өйөөччүлэр:
• “Олоҥхо Ассоциацията” уопсастыбаннай тэрилтэ;
• Научнай-методическай уонна тас сибээскэ үлэҕэ Олоҥхо киинэ;
• СӨ «Олоҥхо» тыйаатыра
  Бэстибээл сыала-соруга:
   Саха норуотун духуобунай баайа – олоҥхо — толоруллуутун үйэтитии,
  киэҥ эйгэҕэ таһаарыы, тарҕатыы;
   Саха духуобунай баайа олоҥхо үгэс буолбут ньыматынан толорууну
  ситиһии;
   Олоҥхону биирдиилээн уонна куолаан толоруу ньыматын баһылааһын,
  таһымнарын үрдэтии;
   Олоҥхоһуттар түһүлгэлэрин видеоҕа устуу, сурукка тиһэн үйэтитии;
   Олоҥхону айар талааннаахтары өйөөһүн.
  Күрэс ирдэбиллэрэ:
• Улахан дьоҥҥо аналлаах “Уруйдан, улуу олоҥхобут!” бэстибээлгэ
  биирдиилээн уонна бөлөҕүнэн толорооччулар кытталлар.
• Сайаапкалары уонна төлөбүрдэри эрдэттэн биирдиилээн
  толорооччулар: 89627379618 (Петр Петрович), бөлөхтөр 89290529987
  (Сандал Иванович ) ватсап нүөмэрдэргэ.
  Күрэскэ кыттыыга киирии:
• Биирдиилээн толорууга 500 солк., бөлөххө биирдии кыттааччыттан
  200 солк. усунуос ирдэнэр.
• Күрэскэ кыттыы төлөбүрүн кулун тутар 27 күнүгэр диэри ыытаргыт
  булгуччулаах. Сайаапкаҕа кыттааччы (бөлөх) аата-суола, сааһа,
  хантан сылдьара, толоруллар олоҥхо аата, ааптара, салайааччытын
  аата, төлөпүөнүн нүөмэрэ ыйыллар.
  Олоҥхону толоруу бириэмэтэ 30 мүн. уһаабат. Дьүүллүүр сүбэ
  быһаарыыта бүтэһиктээх.
  Кыттааччыттан паспорт куопуйата ирдэнэр.
  Сыаналааһын сүрүн ирдэбиллэрэ:
   Олоҥхону толорууга үгэс буолбут ньыманы тутуһуу;
   Түөлбэ олоҥхотун уратытын толоруу;
   Олоҥхону толорооччу тылын-өһүн баайа, тэтимэ, олоҥхо тутулун,
  оҥкулун тутуута;
   Олоҥхо ырыатын — тойугун арааһын толоруу, куолаһын кэрэтэ;
   Олоҥхо ис хоһоонун дьоҥҥо-сэргэҕэ тиэрдии, истээччи болҕомтотун
  тардыы.
  Түмүгү таһаарыы:
• Хас биирдии кыттааччыга туоһу сурук
  туттарыллар. Кыайыылаахтарга биир Кылаан бириис, I, II, III Үрдэллэр
  олохтоноллор (биирдиилээн, бөлөҕүнэн толорууга тус-туспа) , анал ааттар
  иҥэриллэллэр, сэмэй бириистэринэн наҕараадаланыахтара.
• Кыайыылаахтар Амма улууһугар ыытыллар Олоҥхо ыһыаҕар уонна Туймаада ыһыаҕар
  ыҥырыллаллар.

Бэстибээл тосхоло:
10.00 ч. – Бэлиэтэнии.
10.30 ч. – Бэстибээл үөрүүлээх арыллыыта, алгыс сиэрэ-туома.
11.00 ч. – Олоҥхону чинчийээччи, Олоҥхо киинин салайааччыта, филология
билимин хандьыдаата Агафия Еремеевна Захарованы эҕэрдэлээһин;

• Олоҥхоһут, тойуксут, норуот ырыаһыта, СӨ үтүөлээх артыыһа,
  Олоҥхо тыйаатырын артыыһа, 2020c. Үөһээ Дьааҥы улууһугар ыытыллыбыт
  «Олоҥхо ыһыаҕа” Кылаан Чыпчаал хаһаайынын В.Г. Исаковы 75-с сааһынан
  үбүлүөйүн чиэстээһин.
  11.15 ч. – Олоҥхону биирдиилээн уонна куолаан толорууну истии.
  13.00-13.30 – Эбиэт.
  13.30 — Олоҥхо күрэһин салгыы истии
  – Бэстибээл сабыллыыта, наҕараадалааһын.
  Киирбит видео-матырыйааллар СӨ Национальнай бибилэтиэкэтигэр уонна Арчы дьиэтин пуондаларыгар хаалаллар.