“Дьурайаан Бэргэн” олоҥхонон испэктээк
Бу саас Кэбээйигэ Олоҥхо ыһыаҕар анаммыт кэмпириэнсийэҕэ Чагда оҕолоро Мария Эверстова-Обутова суруйбут “Дьурайаан Бэргэн” олоҥхотунан испэктээги оонньоон көрдөрбүттэрэ.
Бу 3 хартыыналаах пьесаны Олоҥхо дьиэлэрин өрөспүүбүлүкэтээҕи ситимигэр киирбит А.С. Борисов аатынан “Тускул” култуураны сайыннарар, итиэннэ “Сайдыс” эбии үөрэхтээһин кииннэрин үлэһиттэрэ Култуура уонна ускуустуба Аартыкатааҕы үнүстүүтүн устудьуоннарын көмөлөрүнэн туруорбуттар.
Ол курдук, олоҥхону өйдүүргэ-ылынарга, ыллыырга-туойарга, саҥарарга-иҥэрэргэ, туттарга-хаптарга, турукка киирэргэ уһуйааччылар Надежда Эверстова (фольклор куруһуога), Юлия Эверстова (тыйаатыр куруһуога), Альбина Ноговицына (кыраайы үөрэтэр куруһуок) сүрүннээн үлэлэспиттэр. АГУИККИ талааннаах ыччата Александр Зыков, Сандал Прокопьев режиссер быһыытынан көмөлөспүттэр, Антон Винокуров, Назар Филиппов, Сандал Прокопьев төрүт үстүрүмүөннэргэ доҕуһуоллаан киэргэппиттэр, Ньургуйаана Такырова, Алина Протодьяконова үҥкүүлэри үөрэппиттэр. Оттон көстүүмнэри норуот маастара Мария Эверстова салайааччылаах иистэнньэҥнэр түмсүүлэрэ тикпит.
Оруолларга: олоҥхоһут — Егор Ноговицын, Аан Алахчын Хотун — Юлия Эверстова (уһуйааччы), Дьурайаан Бэргэн — Эдгард Эверстов, Нусхайаана — София Павлова, Айыына — Велислава Татаринова, Айгыраан — Дьулус Седельников, Айыы Дьаргыл удаҕаттар — Айна Аммосова, Сайнаара Семенова, Амелия Дмитриева, Маша Павлова, Июлия Эверстова, Сайнаара Седельникова, маҥнайгы уол — Арылхан Семенов, иккис уол — Виктор Федоров, Агдарба — Алеша Лавров, Кыыс Кыдылла — Надежда Эверстова (уһуйааччы), абааһычааннар — Алеша Ноговицын, Байсен Егоров, Харысхан Егоров, Эрчим Эверстов, Эрэл Борисов, Кыахаана Куо — Чэмэлиинэ Егорова, Кыйыҥха — Айпери Карасартова, массовка — Мадина Эверстова, Чэмэлиинэ Ноговицына, Даша Ноговицына, Айсен Аммосов, Яков Охлопков, Леонид Охлопков, Вася Ноговицын.
Манна даҕатан эттэххэ, чагдалар Култуура үнүстүүтүн кытта бу номнуо иккис кыттыгас бырайыактара. Күһүн сэтинньигэ Кырса Сөдүөт «Биэ уола Бэйбэлдьийэ тулаайах» олоҥхотунан испэктээги улахан дьоҥҥо туруора сылдьыбыттара.
Оттон билигин Ньидьили оскуолатын үөрэнээччилэрин толоруутугар “Дьурайаан Бэргэн” олоҥхону бу сигэнэн киирэн көрүҥ: https://vkvideo.ru/video-218062294_456239112