Миниистир Эрик Егоров олоҥхотун иһиттэ

Олоҥхо декадатын чэрчитинэн үөрэх кыһаларыгар олоҥхоҕо аналлаах тэрээһиннэр, ааҕыылар, күрэхтэр, маастар-кылаастар ыытылла тураллар.

СӨ култуураҕа уонна духуобунай сайдыыга миниистирэ Афанасий Ноев «Айыы кыһата» национальнай гимназия Х кылааһын аһаҕас уруогар сырытта.

Эрик Егоров “Дьулуруйар Ньургун Боотур” олоҥхоттон быһа тардан толорорун сэҥээрэн иһиттэ.

«Кыһыҥҥы уһун ыйдар саха олоҥхоһут омук буола уһаарыллан тахсарыгар олук уурдахтара. Онон дьыл-хонук эргиирин кытары ыкса ситимнэспит олоҥхобутун сэҥээрэн истэр үтүө үгэспит салҕанан бара турара кэрэхсибиллээх», — диэн санаатын үллэстэр Афанасий Ноев. Кини төрүт үгэһи салҕыыр ыччат олоҥхоһуттар баар буола туралларыгар баҕарда.