Чочуга олоҥхо-испэктээк күрэҕэ 7 улууһу түмтэ

Саха Өрөспүүбүлүкэтин култууратын үтүөлээх үлэһитэ, Бүлүү улууһун уонна Чочу нэһилиэгин Бочуоттаах олохтооҕо, алгысчыт, Ийэ олоҥхоһут, тойуксут, үҥкүү тылын этээччи, норуот ырыаһыта, хомусчут, уһуйааччы, Чочутааҕы норуот тыйаатырын режиссера Семен Иннокентьевич Иванов – Чочу Сэмэнэ төрөөбүтэ 90 сылыгар анаан ”Сүдү киһиэхэ сүгүрүйэбит” норуот тыйаатырдарын икки ардыларыгар олоҥхону туруорууга өрөспүүбүлүкэтээҕи күөн-күрэс муус устар 13 күнүгэр буолан ааста.

Күрэххэ 7 улуустан куйаар ситиминэн кыттыыны ыллылар:

Үөһээ Бүлүүтээҕи Олоҥхо норуот тыйаатыра, К.Н. Никифоров “Айдааннаах айаннаах Ала Буурай аттаах Мохсоҕоллой Боотур” олоҥхо, режиссер СӨ култууратын туйгуна Владислав Иванов.

Ньурба оройуонун култууратын департамена – Олоҥхо Дьиэтэ. Спиридон Васильевич Петров-Чыычаах 130 сылыгар анаммыт «Оҕо Дьулаах бухатыыр» олоҥхо, туруорааччы режиссердар СӨ ускуустубатын үтүөлээх диэйэтэлэ Александр Титигиров , СӨ култууратын туйгуна Розалия Тартакынова, бырайыак ааптара СӨ култууратын үтүөлээх үлэһитэ Розалия Тихонова.

Абаҕатааҕы норуот тыйаатыра, Амма улууһа. Үстүүн Нохсоороп “Сыанаканан сыһыылаах, холуопканан хонуулаах, сындыыс хара аттаах сылгы сүөһү оҕото Дыырай Бэргэн” олоҥхо,
режиссер СӨ култууратын туйгуна Евгения Попова.

Ылдьаа Нохуоккун аатынан “Чараҥ” сынньалаҥ киинин “Манчаары” тыйаатыр устуудьуйата, Уус -Алдан улууһа, Чараҥ бөһүөлэгэ. Галина Борисова-Толбооно “Уһун Уйбаан олоҥхоһут” олоҥхотунан “Ураанньык аттаах Тайыыла олоҥхоһут” испэктээк, режиссер Екатерина Свинобоева.

Хатастааҕы норуот тыйаатыра С.А.Зверев-Кыыл Уола “Кулан кугас аттаах Куллустай Бэргэн” олоҥхо,
режиссер СӨ култууратын туйгуна Евдокия Семенова.

“Бэрт бэтиэхэлэр” тыйаатыр түмсүүтэ “Алгыс” СК, Мээндиги нэһилиэгэ, Амма улууһа. Семенов Илья Владимирович “Бордуолаах Кинээс” олоҥхо, режиссер Василий Капырин.

С.Иванов – Чочу Сэмэнин аатынан Чочутааҕы норуот тыйаатыра Бүлүү улууһа. С.Иванов – Чочу Сэмэнэ “Куула хара тыаны кутуругунан булкуйа оонньуур Кулан Кугас аттаах, кылааннаах-өргөстөөх Киис Бэргэн бухатыыр ”, режиссер Ньургуйаана Дмитриева.

Дьүүллүүр сүбэҕэ үлэлээтилэр: Арассыыйа театральнай диэйэтэллэрин Сойууһун чилиэнэ, Саха Өрөспүүбүлүкэтин култууратын үтүөлээх үлэһитэ Адамова Саргылана Саввична. Саха Өрөспүүбүлүкэтин култууратын туйгуна Александр Саввинов Баһылай Уола-Алгыстаах Өлөксөөн. Олоҥхо тыйаатырын, киинэ артыыһа, режиссера, Саха Өрөспүүбүлүкэтин култууратын туйгуна Менкяров Гаврил Семенович.

Чочутааҕы И.М. Гоголев-Кындыл аатынан түмэл Иванов Семен Иннокентьевичка аналлаах “Уран тыл түсчүтэ, тойуктаах туйгуна” быыстапка турда.

Бүлүүтээҕи В.О. Каратаев аатынан олоҥхоһуттар уонна тойуксуттар норуодунай кэлэктииптэрэ И.М.Гоголев-Кындыл аатынан норуодунай тыйаатыры кытары холбоһон, С.Иванов-Чочу Сэмэнэ “Куула хара тыаны кутуругунан булкуйа оонньуур Кулан Кугас аттаах, кылааннаах-өргөстөөх Киис Бэргэн бухатыыр”олоҥхотун туруоран көрдөрдүлэр.

Олоҥхо режиссера Алексей Быканов, салайааччы СӨ култууратын туйгуна Иванова Светлана Тарасовна, муусукатын таҥан оҥордо СӨ култууратын үтүөлээх үлэһитэ Иван Туласынов, худуоһунньук Иван Васильев.

Кыттыыны ыллылар В.О. Каратаев аатынан олоҥхоһуттар уонна тойуксуттар норуодунай кэлэктиибэ, “Бүлүү Долгуннара” үҥкүү норуодунай кэллэктиибэ, “Үрүччэ” оҕо үҥкүү-ырыа ансаамбыла, Хампатааҕы оҕо театральнай искусствотын оскуолатын оҕолоро.

Бүлүүтээҕи И.М. Гоголев-Кындыл аатынан норуодунай тыйаатыр сүрүн артыыһа, В.О. Каратаев аатынан олоҥхоһуттар уонна тойуксуттар норуодунай кэлэктиибин олоҥхону толорооччута, алгысчыт, оһуокайдьыт, СӨ култууратын туйгуна, үлэ сыана бэтэрээнэ Мэҥкэр Сэмэн -Хабырыыл Уола 65 сааһынан, алгысчыт, олоҥхо толорооччу, норуот эмчитэ Мылахова Агафья Федотовна 60 өрөгөйдөөх үбүлүөйдэринэн Өрөспүүбүлүкэтээҕи норуот айымньытын дьиэтин, “Олоҥхо Ассоциацията” өрөспүүбүлүкэтээҕи уопсастыбаннай тэрилтэтин, СӨ геокультурнай сайдыы институтун, Саха Өрөспүүбүлүкэтин Олоҥхо тыйаатырын Эҕэрдэ суруктарын, Бочуоттаах грамоталарын туттулар.

С.И.Иванов-Чочу Сэмэнин бастакы күөн күрэһин анал ааттара: “Эр киһи оруолун бастыҥ толорооччу” – Петр Белолюбский (Тимир Дибдиргэ), Ньурба (“ Электропечь” бирииһи туруорда Н.И.Ылахова аатынан “Алгыс” НКК дириэктэрэ Спиридонова А.П.).

“Дьахтар оруолун бастыҥ толорооччу” – Марианна Хобусарова (удаҕан), Үөһээ Бүлүү. (“Саха иһитэ” бирииһи туруорда Сбербанк АО Бүлүүтээҕи филиалын салайааччы Спиридонова М.П). “Муусуканан бастыҥ киэргэтии” – Иван Туласынов, Бүлүү (Кинигэ бирииһи — СӨ геокультурнай сайдыы института).

“Бастыҥ сценография” – Абаҕатааҕы норуот тыйаатыра, Амма улууһа, Абаҕатааҕы норуот тыйаатыра Амма улууһа. (Кинигэ бирииһи туроурда СӨ геокультурнай сайдыы института).

“Бастыҥ режиссер” – Александр Титигиров , Розалия Тартакынова Ньурба (туристическай балаакка бирииһи туруорда “Рикавтодор” Протопопов П.В, салайааччы солбуйааччыта Евсеев И.И.).

“Бастыҥ оруол” – Уус Алдан Ылдьаа Нохуоккун аатынан “Чараҥ” сынньалаҥ киинин “Манчаары” тыйаатыр устуудьуйатын олоҥхоһут уола (термос бирииһи туруорда ТХ департамена, салайааччы Иннокентьев П.П).

“Бастыҥ оруол” – Коля Ефимов (сиэн уол), Бүлүү (кинигэ бирииһи СӨ геокультурнай сайдыы института).

“Бастыҥ көстүүмнээх испэктээк” — Мээндиги нэһилиэгэ, Амма улууһа, “Бэрт бэтиэхэлэр” тыйаатыр түмсүүтэ, “Алгыс” СК.

С.И.Иванов-Чочу Сэмэнин олоҕун үйэтитиигэ “Үйэлэри ситимнээн” анал аат иҥэрилиннэ Н.И. Ылахова аатынан “Алгыс”НКК исписэлииһэ Менкяров Леонид Гаврильевичка.

III Үрдэл- 10000 солк. Бүлүүтээҕи норуот тыйаатыра, В.О.Каратаев аатынан олоҥхоһуттар уонна тойуксуттар норуодунай кэлэктииптэрэ, Бүлүү улууһа. С.Иванов – Чочу Сэмэнэ “Куула хара тыаны кутуругунан булкуйа оонньуур Кулан Кугас аттаах, кылааннаах-өргөстөөх Киис Бэргэн бухатыыр ”, режиссер Алексей Быканов. Бирииһи туруордулар — 5000 солк, АО “Сахатранснефтегаз” салайааччыта Петров Г.П., 5000 солк. — АЭБ Петров Д.В).

II Үрдэл – 20000 солк. Хатастааҕы норуот тыйаатыра С.А.Зверев-Кыыл Уола “Кулан кугас аттаах Куллустай Бэргэн” олоҥхото, режиссер СӨ култууратын туйгуна Евдокия Семенова, муусуканы таҥан оҥордо Леонид Иванов-Лүҥкүр, худуоһунньук Валерий Саввинов. Бирииһи туруордулар Иванов С.И-Чочу Сэмэнин оҕолоро.

I Үрдэл – 25000 солк. Үөһээ Бүлүүтээҕи Олоҥхо норуот тыйаатыра, К.Н. Никифоров “Айдааннаах айаннаах Ала Буурай аттаах Мохсоҕоллой Боотур” олоҥхо, режиссер СӨ култууратын туйгуна Владислав Иванов. Бирииһи туруорда — Култуура сайдыытын уонна норуот айымньытын оройуоннааҕы киинэ, Дашевская А.А).

“Кылаан чыпчаал” — 30000 солк. (Иванов С.И-Чочу Сэмэнин оҕолорун бирииһэ) — Ньурба оройуонун култууратын департамена – Олоҥхо Дьиэтэ, Спиридон Васильевич Петров-Чыычаах 130 сылыгар анаммыт «Оҕо Дьулаах бухатыыр» олоҥхо. Туруорааччы режиссердар СӨ ускуустубатын үтүөлээх диэйэтэлэ Александр Титигиров , СӨ култууратын туйгуна Розалия Тартакынова, бырайыак ааптара — СӨ култууратын үтүөлээх үлэһитэ Розалия Тихонова. Тыыннаах доҕуһуолунан киэргэттэ СӨ култууратын туйгуна Дьулустаан Никифоров, худуоһунньуктар Камилла Михайлова, Марина Андреева .

В.О.Каратаев аатынан олоҥхоһуттар уонна тойуксуттар норуодунай кэлэктииптэрин салайааччыта С.Т Иванова бырайыагынан тэриллибит бэстибээл сылын аайы киэҥ араҥаны түмэн сайда турдун.