«Олоҥхо – өбүгэ ситимэ» күрэх
Олоҥхо ыһыаҕа буолара икки нэдиэлэни кыайбат кэм хаалла. Ону көрсө ыытыллыбыт «Олоҥхо — өбүгэ ситимэ» мас уустарын үс күннээх өрөспүүбүлүкэтээҕи күрэхтэрэ буолан ааста.
Уустар 2 миэтэрэ үрдүктээх, 40-60 см кэтиттээх бэрэбинэттэн олоҥхо тиэмэтин арыйар, дьоруойдарын билиһиннэрэр мас скульптуралары кыһан-чочуйан оҥордулар.
![](https://olonkho.nlrs.ru/wp-content/uploads/2024/06/Screenshot_10-1.jpg)
Бу үлэлэр Амма И.А. Швердин аатынан пааркатыгар туруохтара,. ол курдук Амма улууһугар ыытыллар Олоҥхо ыһыаҕын туоһулуур биир кэрэ көстүүлээх оҥоһуктарынан буолуохтара.
Дьүүллүүр сүбэ быһаарыытынан, кыайыылаахха — 150 000 солк., I миэстэҕэ — 100 000 солк., II миэстэҕэ — 70 000 солк., III миэстэҕэ — 50 000 солк. уу харчыны бириэмийэ. Анал ааттары ылбыт маастардарга Амма улууһун урбаанньыттара Людмила Куприянова, Георгий Олесов, Дмитрий Бубякин, Ариан Носов, Валерий Максимов уонна «Махтал» маҕаһыын туруорбут бириистэрэ.
![](https://sakha-sire.ru/wp-content/uploads/2024/06/7c49b9c3-fa09-44f2-9261-5641574f9b7b-1-900x596.jpg)
Түмүккэ Амма улууһун Сэргэ Бэһиттэн сылдьар Альберт Фомин үлэтэ Гран-при аатын ылла.
Роман Петухов (Майа, Мэҥэ Хаҥалас) бастаата.
Роман Петров (Нам улууһа) иккистээтэ.
Василий Попов ( Уолба, Таатта) үһүстээтэ.
![](https://olonkho.nlrs.ru/wp-content/uploads/2024/06/Screenshot_11.jpg)
Анал ааттары ыллылар:
«Алыптаах дьүһүйүү» — Иван Мохначевскай, Төхтүр, Мэҥэ Хаҥалас улууһа;
«Уран уус» — Егор Яковлев, Абаҕа, Амма улууһа;
«Олоҥхо дьикти таайтарыыта» — Петр Егоров, Ытык Күөл, Таатта улууһа;
«Тобуллаҕас толкуй» — Октябрь Аянитов;
«Өбүгэ утумун салҕааччы» — Афанасий Варфоломеев, Ытык Күөл, Таатта улууһа.
![](https://sakha-sire.ru/wp-content/uploads/2024/06/83be0eb6-a6b9-4db9-9f4f-75e6c8b0aeda.jpg)
![](https://sakha-sire.ru/wp-content/uploads/2024/06/72ccb183-db9a-4ddb-bf7c-8a5bb99593dc.jpg)
![](https://sakha-sire.ru/wp-content/uploads/2024/06/59faeeef-a024-4e33-be10-ad50d48498ab.jpg)
![](https://sakha-sire.ru/wp-content/uploads/2024/06/9c3afb22-4c2c-44d1-8e92-ad9164bd9e14.jpg)
![](https://sakha-sire.ru/wp-content/uploads/2024/06/4aeb80ac-88ec-46a9-8463-510e2dff2a5e.jpg)
![](https://sakha-sire.ru/wp-content/uploads/2024/06/0a34fc5e-d9d5-4f8d-9027-70a1e1efa9a1.jpg)
![](https://sakha-sire.ru/wp-content/uploads/2024/06/e7e32b2c-928a-4a9d-8d5f-4981a7f9e9bc.jpg)