Олоҥхо ыһыаҕын сүрүн суолтата — ыччаты өбүгэ үгэһигэр уһуйуу

СӨ бырабыыталыстыбатын бэрэссэдээтэлэ, Олоҥхо ыһыаҕын тэрийэр хамыыһыйатын бэрэссэдээтэлэ Сергей Местников, култуура, духуобунай сайдыы миниистирэ Афанасий Ноев, Амма улууһун баһылыга Степан Кузьмин пресс-кэмпириэнсийэҕэ суруналыыстар ыйытыыларыгар хоруйдаатылар.

Тэрээһиҥҥэ «Кэскил» оҕо кыһатын эдэр кэрэспэдьиэннэрэ кытыннылар. Оҕолор бэлэмнэнэн кэлбиттэрэ көстөр, ыһыах суолтатын, дьоҥҥо-сэргэҕэ дьайыытын, о.д.а. боппуруостары биэрбиттэрэ хайҕаллаах.

Сергей Местников ити ыйытыыларга сүрүннээн маннык хоруйдаата:

— Олоҥхо ыһыаҕын сүрүн суолтата саха норуотун түмүүгэ, өбүгэлэрбит хаалларбыт култуурунай, духуобунай баайдарын хаҥатыыга уонна бу эһиги курдук оҕолору, ыччаттары уһуйууга сытар, — диэн эттэ.