Радж Капур олоҥхоһут уолун эҕэрдэлээбитин билэҕин дуо?

Биллиилээх Индия артыыһа Радж Капур бүгүн төрөөбүтэ 100 сыла.

Кини курдук аан дойдуга аатырбыт улуу артыыс Горнай уолун эҕэрдэлээбитин билэҕин дуо?

— Суох !

Оччоҕо Лариса Осипова били улахан сэҥээриини ылбыт «Ырыаҕа ылламмыт биэс бэһиэлэй кыргыттар» кинигэтин ааҕаргар сүбэлиибин.

Ол кинигэҕэ кыыһа Ньургустаана Румянцева ахтыытыттан : «Аҕам Василий Васильевич Потапов. Кини бэрт дьикти историялаах, айылҕаттан талба талааннаах ырыаһыт киһи үһү».

Львов куоракка үөрэнэ сылдьан, ССРС норуоттарын 15 бырааттыы норуоттарын тылларынан уонна араас атын омук элбэх ырыаларын ыллыыра диэн кэпсииллэрэ.

Аҕам 1963 с. Ленинградка искусство бырааһынньыгар кыттыбыт. Онно Радж Капур «Бродяга» киинэтиттэн «Кырасыабай кыыс» уонна «Бродяга» ырыаларын ыллаабыт.

Арай биллэрээччи «Эйигин Радж Капур эҕэрдэлиир» диэбитигэр, хара көстүүмнээх, бабочкалаах Радж Капур актриса Наргистыын сценаҕа тахсан, мин аҕабын эҕэрдэлээбит. Аҕам илиитин ыга тута -тута, автографтаах пластинкатын бэлэхтээбит. Ол пластинкатын аҕам олоҕун тухары илдьэ сылдьыбыт. ..

Бу үрдүк экономист үөрэҕин соҕуруу бүтэрбит, элбэх фестиваллар лауреаттара, сэдэх куоластаах ырыаһыт Василий Потапов уустук олоҕун туһунан ити кинигэттэн ааҕыаххытын сөп.

Таарыйа аҕыннахха, кини аҕата Василий Потапов Саха сиригэр биллибит олоҥхоһут.

Василий Алексеев, «Үлэ күүһэ»