Олоҥхо дэкээдэтэ «Дьорҕостой Бэргэн» олоҥхо-испэктээгинэн аһыллыа

Сэтинньи 25 күнүгэр 17.00 ч. улуу Олоҥхобут декадатын үөрүүлээх аүыллыытыгар ыҥырабыт.

Бу күн олоҥхону уһун үйэлээн тылбытын, төрүт үгэстэрбитин сүтэрбэккэ тутан хаалларыыга, үлэлии сылдьар туруу дьоммутугар, оҕолорбутугар анаммыт Анал бириэмийэлэри туттарыы, Олоҥхо тыйаатырын уонна П.И. Шадрин аатынан Өктөм орто оскуолатын холбоһуктаах бырайыагынан Н.К. Шамаев-Чопчухаан айымньытынан оҕолорго аналлаах «Дьорҕостой Бэргэн» олоҥхо-испэктээги көрдөрүү буолар.

Олоҥхобут алгыстаах түөлбэтигэр мустуоҕуҥ!🌿🌿🌿

Буолар сирэ: Өксөкүлээх Өлөксөй аатынан Норуоттар доҕордоһууларын дьиэтэ

Кэлиҥ, сылдьыҥ, дуоһуйа сынньаныҥ!