Бороҕоҥҥо — Олоҥхо ассоциациятын көһө сылдьар киэҥ ыҥырыылаах мунньаҕа
Олунньу 18 күнүгэр Мүрү нэһилиэгэр «Олоҥхо дьиэтэ» этно-култуурунай кииҥҥэ национальнай эпоһы харыстыырга “Олоҥхо Ассоциацията” СӨ уопсастыбаннай тэрилтэтэ көһө сылдьар киэҥ ыҥырыылаах мунньаҕа буолан ааста.
Манна өрөспүүбүлүкэтээҕи Олоҥхо ассоциациятын, Олоҥхо научнай-чинчийэр институтун, Олоҥхо киинин, культура уонна искусство колледжын, “Олоҥхоһут ыччат” түмсүүтүн, геокультурнай сайдыы институтун, Олоҥхо театрын бэрэстэбиитэллэрэ, Чурапчы, Мэҥэ Хаҥалас, Амма, Нам, Таатта, Горнай, Хаҥалас улууһун Олоҥхо Ассоциацияларын түмсүүлэриттэн кэллилэр.
Кэлбит ыалдьыттары арчылаан, айах тутан көрүстүлэр, “Уус-Алдан уран уустарын түһүлгэтэ” быыстапканан кэрэхсэттилэр.
Олоҥхо ассоциациятын президенэ Февронья Шишигина 2025 сылга Олоҥхо ассоциацията ыытар үлэтин соруктарын иһитиннэрдэ, Олоҥхо 11 дьиэтин ситимигэр киирбит улуустар үлэлэрин былаана олохтонно.
Уус Алдан улууһун “Олоҥхо Ассоциацията” түмсүү салайааччыта Анатолий Сторожев улууспутугар ыытыллыбыт тэрээһиннэри, үлэлэри сырдатта, ону тэҥэ кэккэ туруорсуулары эттэ.
Олоҥхо дьиэлэрин ситимигэр киирбит улуустар бииргэ үлэлээһиннэрин ырытыһыы, инники былааннар тула кэпсэтии буолла. Өрөспүүбүлүкэтээҕи Олоҥхо Ассоциациятын мунньаҕар бары долгутар боппуруостарын этиннилэр, туруорустулар, туһааннаах эппиэттэри ыллылар.
Инники үлэлэри торумнаатылар, тэтимнээхтик үлэлиир санаалаах тарҕастылар