Никита Аянитов — «Олоҥхо баттл» кыайыылааҕа

Биэс нэдиэлэ устата “Саха” НКИХ ханаалыгар ыытыллыбыт “Олоҥхо баттл-2025” күрэххэ Үөһээ Бүлүү улууһун Балаҕаннааҕыттан төрүттээх, быйыл Егор Неймохов стипендиата буолбут ХИФУ устудьуона Никита Аянитов кыайыылаах аатын ылан, СӨ Бырабыыталыстыбатын бэрэссэдээтэлин солбуйааччы Сергей Местников илиититтэн 500 000 солкуобай суумалаах сэртипикээти тутта.

Никита Аянитов “Саҥа күн” уонна “Уонна” биэриилэри ыытааччы. Кини Аммаҕа уонна Нерюнгрига ыытыллыбыт Олоҥхо ыһыаҕар ситиһиилээхтик кыттыбыта, анал ааттары ылбыта.

Бу олоҥхо баттлыгар кини ангылычаан тылынан иккитэ олоҥхолоон иһитиннэрдэ.

Никита оҕо саадыгар сылдьар кэмиттэн олоҥхолуур. Бастакы уһуйааччыта Лена Николаевна Васильева «Эрэйдээх-буруйдаах Эр соҕотох» олоҥхону үс саастааҕар үөрэппит. Онтон оскуолаҕа Кэнтик нэһилиэгин Олоҥхо оскуолатыгар Сахаайта Мойтохоноваҕа дьарыктаммыт.

Олоҥхо баттлыгар көрөөччүлэр биһирэбиллэрэ АГИКИ преподавателэ, Өймөкөөҥҥө буолбут Олоҥхо ыһыаҕар ыччакка бастаабыт Марфа Аммосоваҕа ананна уонна 100 тыһыынча харчынан наҕараадаланна.