«Сырдык Уола Күн Боотур» олоҥхо-ойуулук бастаата

«Ойуулук» устуудьуйа туруорааччы худуоһунньуга уонна сүрүн худуоһунньуга Маргарита Яковлева салайар «Сырдык уола Күн Боотур» бырайыага өрөспүүбүлүкэтээҕи VI «Олоҥхо дьоруойдарын дойдута» диэн күрэххэ бастакы миэстэни ылла.

Саха олоҥхотугар олоҕуран оҥоһуллубут ойуулугу Покровскайдааҕы оҕо художественнай оскуола анимационнай кылааһын үөрэнээччилэрэ оҥорбуттар.

«Олоҥхо дойдутун ойуута» күрэх Олоҥхо тыйаатыра тэрийбит «Олоҥхо эйгэтигэр айан» оҕо бэстибээлин чэрчитинэн ыытылынна.

Маргарита Яковлевна – устуудьуйа сүрүн исписэлиистэриттэн биирдэстэрэ: уобарастар-дьүһүлгэннэр, дьоруойдар уонна бырайыактар көрүнньүк истииллэрэ барыта кини салайыытынан оҥоһуллар. Маргарита хас биирдии үлэтэ, кэллиэгэлэрэ этэллэринэн, үгэһи, киэби уонна суолтаны дириҥник өйдөөһүн холобура.