Хоту Майыарга олоҥхо сылаас тыына илгийдэ

Абый улууһун Майыар орто оскуолатыгар Олоҥхо күнэ умнуллубаттык ааста. Сарсыардаттан оҕолор сахалыы таҥастаах кэлбиттэрэ.

Олоҥхо киэһэтигэр оҕолор олоҥхоттон быһа тардан, бухатыырдар тас көрүҥнэрин, олоҥхо сирин-уотун ойуулаатылар. «Дьулуруйар Ньургун Боотур» олоҥхоттон быһа тардыыны ырыалаан-тойуктаан 11 кылаас кыргыттара көрдөрдүлэр.

Үөрүүлээх күҥҥэ хомус тыаһа дьүрүһүйдэ, чобуо чабырҕах дуорайда.

«Олоҥхо геройдара» куукулалар быыстапкалара уонна уруһуйдар туруорулуннулар. Күрэх кылаан кыайыылааҕынан 4 кылаас үөрэнээччитэ Раиль Рязанскай буолла.

Туйара Никулина, Майыар орто оскуолата.