Иитээччилэр Дьохсоҕолдьун Бухатыыр туһунан олоҥхону туруордулар

Майатааҕы «Кэнчээри» уҺуйааҥҥа олоҥхо алыптаах аартыга арылынна. Уһуйааммыт иһинэн иитээччилэр «Мичээр» айар бөлөҕө (уус-уран салайааччы Капиталина Семенова) Алексей Ксенофонтов суруйуутугар «Тоҕус хара тыаны ортотунан көстөр Дьоруо Маҥан аттаах Дьохсоҕолдьун Бухатыыр» диэн куукула тыйаатырыгар анаммыт үс көстүүлээх олоҥхону оонньоон көрдөрдө.

Кырачаан көрөөччүлэр олоҥхону орто бөлөхтөн саҕалаан, анаммыт бириэмэлэригэр кэлэн, олус интэриэһиргээн олорон көрдүлэр.

Саха киҺитэ этинэн-сиининэн ылыннаҕына, хараҕынан көрдөҕүнэ, эт кулгааҕынан иһиттэҕинэ эрэ чугастык ылынар диэн өйдөбүл баар. Олоҥхону көрүү кэнниттэн «Дьэрэкээн оҕолор» бэлэмнэнии бөлөх иитиллээччилэрэ  олоҥхоттон тугу өйдөөн хаалбыттарын тута уруһуйдаан, киэһэ төрөппүттэрин  сонун кэпсээннээх көрүстүлэр.

Олоҥхобутун үөрэтэр, харыстыыр уонна үйэтитэр соруктаах оҕолорбутугар кыра саастарыттан уран тыл, эриэккэс ойуу-бичик көмөтүнэн олоҥхо диэн тугун билиһиннэрэрбит наада. Кэнчээри ыччаттарбыт олоҥхоҕо кэпсэнэр күн санаалаах айыы дьонун курдук үтүө дьон буола улааталларыгар баҕарабыт.

Иитээччи Сардана Аввакумова.