М.Н. Донской аатынан техникумҥа «Дьурулуйар Ньургун Боотур» олоҥхону туруордулар

Дьокуускай куорат М.Н. Донской аатынан инбэлииттэр анал уонна мэдиссиинэ социальнай реабилитациятын өрөспүүбүлүкэтээҕи интэринээт-техникумугар инбэлииттэр декадаларын уонна Олоҥхо декадатын чэрчитинэн устудьуоннар «Дьурулуйар Ньургун Боотур» олоҥхону туруордулар.

Хаартыска М.Н. Донской аатынан өрөспүүбүлүкэтээҕи интэринээт-техникумун ханаалыттан

Техникум айар-тутар дьоҕурдаах, дьулуурдаах устудьуоннара оруолларын чаҕылхайдык толордулар, кинилэр уус-уран талааннара дьиҥнээх драматургияҕа хардыынан буолла.

Испэктээк улаханнык биһирэннэ уонна хас биирдии көрөөччүгэ дириҥ өйдөбүлү хаалларда.

Сайаана Львова сырдатта.