Олоҥхонон ойуулук

Сунтаар улууһун Дьаархан нэһилиэгин уһуйаана олоҥхонон оҕоҕо ийэ тыл сүмэтин иҥэрии диэн барылынан үлэлээбиттэрэ хаһыс да сыллара. кыттан Кылаан кыайыылаах аатын сүкпүттэрэ.

Анна Андреева салайыытынан үлэһиттэр сыахай оҥорон, бастаан иитиллээччилэригэр, онтон киэҥ эйгэҕэ «Дьулуруйар Ньургун Боотур» олоҥхолорун таһааран, көрөөччү биһирэбилин ылбыттара. Онтон кынаттанан «Северная звезда» бэстибээлгэ кыттан, Кылаан кыайыылаах аатын сүкпүттэрэ.

Иитээччилэр Екатерина  Павлова уонна Туяра Игнатьева «Тииҥчээн» бэлэмнэнии бөлөҕүн оҕолорунаан Петр Решетников «Күөнэ көҕөччөр аттаах күүстээх-уохтаах Күн Күндүлү Бухатыыр» олоҥхотугар олоҕуран, ойуулук оҥорон, куйаар ситимигэр тарҕаттылар.

Ойуулуук уруһуйун эдэр талааннаах үлэһиттэр Уруйдаана  Семенова уонна Сардаана Федорова оҥордулар. «ИИ» (искусстенный интеллект) көмөтүнэн таҥнылар. Олоҥхону «Тииҥчээн» бөлөх оҕолоро ис сүрэхтэриттэн кыһаллан аахтылар.
Кэлэр кэнчээри ыччаппыт оҕо эрдэҕиттэн төрөөбүт тылынан саҥардаҕына омук быһыытынан сүтүө суохпут. Омук күүһэ — тылыгар!

Анна Маркова, Дьаархан